Документы



Халқ таълими вазирлиги буйруғи №343. 30 ноябрь 2012 й. Буйру қ icon

Халқ таълими вазирлиги буйруғи №343. 30 ноябрь 2012 й. Буйру қ

НазваниеХалқ таълими вазирлиги буйруғи №343. 30 ноябрь 2012 й. Буйру қ
Дата26.05.2013
Размер154.79 Kb.
ТипДокументы
скачать


Халқ таълими вазирлиги

буйруғи № 343. 30 ноябрь 2012 й.


Б У Й Р У Қ


“Баркамол авлод” болалар марказларининг Педагогик ва Услубий кенгашлари тўғрисидаги Низомларни тасдиқлаш ҳақида


“Баркамол авлод” болалар марказларида ўқув-тарбия жараёнини такомиллаштириш ва ташкилий масалаларни мувофиқлаштириш, педагогик ходимларнинг касбий маҳоратларини ва ижодий ўсишларини кучайтириш мақсадида


Б У Ю Р А М А Н :


1. “Баркамол авлод” болалар марказларининг Педагогик кенгаши тўғрисидаги Низом 1-иловага, Услубий кенгаши тўғрисидаги Низом 2-иловага мувофиқ тасдиқлансин.

2. Қорақалпоғистон Республикаси Халқ таълими вазири, Тошкент шаҳар ва барча вилоятлар халқ таълими бошқармалари бошлиқлари ҳамда “Баркамол авлод” Республика болалар марказлари директорларига:

бир ҳафта муддатда мазкур Низомларни барча “Баркамол авлод” болалар марказларига етказилишини таъминлаш;

“Баркамол авлод” болалар марказларида ишларнинг ушбу Низомларга амал қилган ҳолда ташкил этилишини назорат қилиш;

Низомларни татбиқ этишда “Баркамол авлод” болалар марказларига услубий-амалий ёрдам кўрсатишни ташкил этиш вазифалари юклатилсин.

3. “Баркамол авлод” болалар марказлари фаолиятини ташкил этиш шўъбаси (Қ.Мовлянов) марказларда ўқув-тарбия жараёнининг ушбу Низомларга асосан ташкил этилишини мувофиқлаштирсин.

Ушбу буйруқнинг ижросини назорат қилиш вазир ўринбосари А.Холбеков зиммасига юклатилсин.


Вазир Т.Ширинов



Халқ таълими вазирлигининг

2012 йил 30 ноябрдаги 343-сонли буйруғига 1-илова


^ Баркамол авлод” болалар марказларининг Педагогик кенгаши тўғрисида

НИЗОМ


  1. Умумий қоидалар




  1. “Баркамол авлод” болалар марказларида (кейинги ўринларда “Марказ” деб юритилади) ўқув-тарбия жараёнини такомиллаштириш, Марказ фаолияти билан боғлиқ ташкилий масалаларни мувофиқлаштириш, педагогларнинг касбий маҳорати ва ижодкорлигини ўстириш мақсадида Марказнинг юқори органи ҳисобланган Педагогик кенгаши ташкил этилади.

  2. Педагогик кенгаш ўз фаолиятини Ўзбекистон Республикаси Конституцияси, “Таълим тўғрисида”ги ва “Болалар ҳуқуқларининг кафолатлари тўғрисида”ги қонунлари, Ўзбекистон Республикаси Президентининг қарор, фармон ва фармойишлари, Вазирлар Маҳкамасининг таълимга тегишли қарор ва фармойишлари, “Баркамол авлод” болалар марказлари тўғрисида”ги Низом, Халқ таълими вазирлигининг буйруқ ва фармойишлари, Марказ Устави ҳамда ушбу Низомга амал қилган ҳолда амалга оширади.

  3. Педагогик кенгаш (кейинги ўринда “Кенгаш” деб юритилади) қарорини бажариш ҳар бир марказ ходими учун мажбурийдир.


^ II. Педагогик кенгашнинг асосий вазифалари


4. Кенгашнинг асосий вазифалари қуйидагилардан иборат:

Марказ фаолиятини такомиллаштириш, унинг фаолияти сифат ва самарадорлигини оширишнинг асосий йўналишларини белгилаш;

“Баркамол авлод” болалар марказлари учун мактабдан ташқари таълимга қўйиладиган давлат талаблари асосида ўқувчиларнинг билим, кўникма ва малакаларга эга бўлишида Марказ педагогик жамоасини бирлаштириш, таълим-тарбия сифатини ривожлантириш бўйича аниқ тадбирлар белгилаш;

педагогик ходимларнинг касбий маҳорати, обрўси ва жавобгарлигини оширишга йўналтирилган мақсадли ишларни олиб бориш, уларнинг илмий-услубий малакаларини ошириш, ижодий ташаббусларини ривожлантириш;

Марказ педагогик жамоа фаолиятини, тўгарак аъзоларининг давлат талаблари асосида таълим-тарбия олишларига педагогик жамоа фаолиятини йўналтириш, давлат талабларини бажаришни таъминлаш, тўгарак аъзоларига таълим-тарбия бериш сифатини кўтариш чора-тадбирларини белгилаш;

таълим жараёнига янги педагогик технологияларни ва техник-ахборот воситаларини татбик этиш;

тўгарак аъзоларини маънавий юксак, умуминсоний ва миллий руҳда, ўз Ватани, халқини ардоқловчи, тинчлик ва барқарорликка қаратилган миллий қадриятлар асосида тарбиялаш юзасидан таклифлар бериш;

Марказнинг мақсад ва вазифаларидан келиб чиққан ҳолда уни ривожлантиришнинг истиқбол йўналишларини белгилаш;

Марказда таълим-тарбия жараёнини ташкил этишда ва таълим самарадорлигини оширишда мақбул шарт-шароитлар яратишга қаратилган қарорларни қабул қилиш;

педагогик жамоанинг маълум йўналишлардаги фаолиятини таҳлил қилиш ва якуний хулоса бериш.


  1. Педагогик кенгаш фаолиятини ташкил этиш




  1. Марказ директори Кенгашнинг раиси ҳисобланади ва унинг фаолиятини бошқаради.

  2. Марказнинг педагогик жамоаси тўғридан-тўғри овоз бериш йўли билан Кенгаш таркибини сайлайди, уларнинг ваколатлари ва муддатини белгилайди. Кенгаш таркибига Марказ касаба қўмитасининг раиси аъзо бўлади.

Кенгаш таркибидан бир йил муддатга котиб сайланади.

7. Кенгаш йиғилиши йилнинг ҳар чорагида камида бир марта ўтказилади. Зарур ҳолларда навбатдан ташқари йиғилишлар ўтказилиши мумкин.

8. Кенгашда педагогик жамоанинг камида учдан икки кисми қатнашиб, улардан кўпчилиги ёқлаб овоз берсалар, қарор қабул қилинган ҳисобланади. Овозлар тенг бўлган тақдирда Кенгаш раиси қарори ҳал қилувчи ҳисобланади.

9. Кенгашнинг навбатдан ташқари чақирилган йиғилишида эса педагогик жамоанинг камида учдан бир қисми иштирок этишлари лозим.

10. Қарорларга овоз бериш тартиби Кенгаш йиғилишида очиқ овоз бериш йўли билан белгиланади.

11. Кенгашни ўтказиш вақти, жойи ва кун тартиби камида ўн беш кун олдин эълон қилинади.

12. Кенгашда муҳокама қилинадиган масалалар Марказ маъмурияти топшириғи билан белгиланган педагоглар томонидан тайёрланади.

13. Кенгашда Марказнинг иш режаси, Марказ гуруҳ (бўлим)лари ходимларининг ҳисоботлари, тўгарак аъзолари томонидан давлат талабларининг ўзлаштириш якунлари, Марказнинг санитария-гигиена режимига риоя этиши ва Марказ ҳаётига доир бошқа масалалар муҳокама қилинади.

14. Кенгаш ўқитишнинг илғор усулларини жорий этиш бўйича тажриба-синов ишларини олиб бориш, Марказнинг давлат ва нодавлат ташкилотлар билан ўзаро ҳамкорлик қилиш йўналишларини аниқлайди.

15. Ўқув-тарбия жараёнини ташкил этишда ва таълим самарадорлигини оширишда мақбул шарт-шароитлар яратишга оид қарорлар қабул қилади, педагогик жамоанинг маълум йўналишлардаги фаолиятини таҳлил қилади ва якуний хулоса чиқаради. Малака ошириш курсидан қайтган педагогларнинг ҳисоботларини тинглайди.


  1. Педагогик кенгаш ҳуқуқлари


16. Кенгашда Марказ фаолиятини ривожлантириш йўналишларининг истиқбол режасини белгилайди.

17. Марказ олдига қўйилган мақсад ва вазифаларнинг бажарилишини амалга оширади.

18. Ўқув жараёнини ташкил қилишнинг турли шакл ва методларини муҳокама қилади, амалиётга татбиқ этади.

19. Марказдаги таълим-тарбия жараёнига оид барча масалаларни ўз ваколати доирасида муҳокама этади ва тегишли қарорлар қабул қилади.

20. Педагоглар малакасини ошириш тизимини ривожлантириш бўйича ўз таклифларини беради.

21. “Ўрган-ўргат” методи бўйича узлуксиз малака ошириш юзасидан ҳисоботларини эшитади ва хулосалар тайёрлайди.

22. Марказ Уставига мувофиқ ҳолда Марказ педагог ходимларини ва тўгарак аъзоларини рағбатлантириш ва жазолаш бўйича масалаларни ҳал этади.


  1. Педагогик кенгаш ҳужжатлари


23. Кенгаш ҳужжатлари Марказнинг иш юритиш ҳужжатлари билан сақланади.

24. Кенгаш ҳужжатлари қуйидагилардан иборат:

Иш режа;

Кенгаш баённомаси дафтари;

Кенгаш материаллари;

йиллик ҳисобот.

25. Кенгаш баённомаси ҳар ўқув йили бошида янгидан рақамланади.



Халқ таълими вазирлигининг

2012 йил 30 ноябрдаги

343-сонли буйруғига 2-илова


^ Баркамол авлод” болалар марказининг Услубий кенгаши тўғрисида

НИЗОМ


  1. Умумий қоидалар


1. “Баркамол авлод” болалар марказларида (кейинги ўринларда “Марказ” деб юритилади) ўқув-тарбия жараёнини такомиллаштириш, педагогик ходимларнинг касбий маҳоратларини ва ижодий ўсишларини кучайтириш мақсадида Услубий кенгаш тузилади.

2. Услубий кенгаш (кейинги ўринларда “Кенгаш” деб юритилади) жамоа органи бўлиб, Марказ ходимларининг услубий фаолиятини мувофиқлаштиради.

3. Кенгаш Марказда услубий ишларни ташкиллаштиришда йўриқнома берувчи орган ҳисобланади.

4. Кенгаш ўз фаолиятини Ўзбекистон Республикаси Конституцияси, “Таълим тўғрисида”ги ва “Болалар ҳуқуқларининг кафолатлари тўғрисида”ги қонунлари, Ўзбекистон Республикаси Президентининг қарор, фармон ва фармойишлари, Вазирлар Маҳкамасининг таълимга тегишли карор ва
фармойишлари, “Баркамол авлод” болалар марказлари тўғрисида”ги Низом,
Халқ таълими вазирлигининг буйруқ ва фармойишлари, Марказ Устави
ҳамда ушбу Низомга амал қилган ҳолда амалга оширади.


^ II. Услубий кенгашнинг асосий вазифалари


  1. Кенгашнинг асосий вазифалари қуйидагилардан иборат:

Марказдаги услубий ишлар фаолиятини мувофиқлаштириш;

Марказдаги услубий хизматнинг мақсадини, асосий йўналишини ва вазифаларини белгилаш;

услубий, дидактик материаллар, ўқув дастурларни тасдиқлаш;

тўгаракларнинг ўқув режалари, дастурлари, ўқув қўлланмаларини янги педагогик технологиялар асосида жорий этиш йўлларини муҳокама қилиш, педагог ходимларнинг ижодий ташаббусларини қўллаб-қувватлаш ва ривожлантириш, илғор тажрибаларни оммалаштириш ишларини ташкил қилиш юзасидан қарорлар қабул қилиш;

Марказда илғор педагогик технологияларни жорий этишга қаратилган изланишларни ташкил этиш;

ходимларнинг касбий маҳоратини такомиллаштириш, тўгаракларда машғулотлар ўтилишининг турли усуллари буйича тавсиялар бериш;

Марказнинг ўқув-услубий ишларини ривожлантириш юзасидан тавсиялар бериш;

Марказ ходимлари аттестациясида иштирок этиш;

илғор педагогик технологиялар асосида тўгарак машғулотларини ўтиш усуллари юзасидан синовлар ўтказиш;

ижодий изланаётган илғор иш тажрибага эга бўлган педагогларни аниқлаш ва уларнинг иш тажрибаларини оммалаштириш;

тўгарак машғулотлари жараёнига янги ўқув услубий ва дидактик материалларни татбиқ этиш ҳамда замонавий ахборот технологиялари, ресурс марказларидан фойдаланишни жорий этиш;

ёш мутахассисларга илғор педагогик тажрибага эга бўлган педагог ходимларни бириктириш;

педагог ходимлар ва тўгарак раҳбарларининг педагогик ҳамда услубий маҳоратларини оширишга доир ишларни амалга ошириш;

педагогларнинг малака ошириш курсларидан кейинги фаолиятларини таҳлил қилиш ва уларни ўз устида ишлаш режаси бўйича ижодий ҳисоботларини мунтазам эшитиб бориш;

давлат талабларини бажарилишида аниқланган камчиликларни бартараф этиш чора-тадбирларини белгилаш ва бажарилишини назорат қилиш;

педагог ходимларни ички аттестациядан ўтказиш бўйича материалларни тайёрлаш.


^ III. Услубий кенгаш фаолиятининг асосий йўналишлари


  1. Кенгаш фаолиятининг асосий йўналишлари қуйидагилардан иборат:

тўгаракларда машғулотлар натижаларини таҳлил қилиб бориш;

ўкув дастурига ўзгартириш киритишда иштирок этиш;

тўгарак ўкув режасини муҳокама қилиш ва тасдиқлаш;

тажриба алмашиш мақсадида тўгарак раҳбарларининг тўгарак машғулотларини кузатиш ва таҳлил қилиш;

тўгараклар бўйича танлов, мусобақалар ўтказиш бўйича меъёрий ҳужжатларни ишлаб чиқиш;

“Ўрган-ўргат” методи бўйича ишларни узлуксиз амалга ошириш юзасидан ҳисоботларни эшитиш ва хулосалар тайёрлаш.


^ IV. Услубий кенгаш ишини ташкил этиш


7. Кенгаш раиси педагогик ходимлар жамоаси томонидан сайланади.

8. Кенгаш таркиби марказ директорининг буйруғи билан
расмийлаштирилади. Кенгаш таркибига илғор педагоглар, тўгарак
раҳбарлари, методистлар ҳамда директор ўринбосарлари киради.

9. Кенгаш йиллик иш режа асосида фаолият кўрсатади. Иш режа
педагоглар таклифлари асосида кенгаш раиси томонидан тузилиб, кенгашда
кўриб чиқилади ва тасдиқланади.

10. Кенгаш йиғилиши йилнинг ҳар чорагида бир марта ўтказилади.

11. Кенгаш баённомасини кенгаш раиси ва котиби имзолайди. Кенгашда
қабул қилинган карорларнинг ижросини кенгаш раиси назорат қилади.


^ V. Услубий кенгаш ҳуқуқлари


12. Кенгаш қуйидаги ҳуқуқларга эга:

тўгарак раҳбарлари ва педагог ходимларнинг малакавий тоифасини ошириш бўйича таклиф ва тавсиялар тайёрлаш;

Марказда ўқув жараёнини яхшилаш бўйича таклифлар бериш;

Марказда аниқланган илғор педагогларнинг иш тажрибаларини оммалаштириш;

Марказ раҳбарияти олдига тажриба - синов ишларида, илмий-услубий изланишларда фаол иштирок этган ходимларни моддий рағбатлантириш тўғрисида масала қўйиш;

тўгарак раҳбарлари ва педагог ходимларга малака ошириш бўйича тавсиялар бериш;

“Йилнинг энг яхши тўгарак раҳбари” кўрик танловида қатнашиши учун педагоглар номзодларини тавсия этади.

13. Кенгаш ўз фаолияти доирасида Марказ Педагогик кенгашига
ҳисобот беради.

14. Кенгаш иш фаолиятини Марказ директори (ёки у тайинлаган шахс)
назорат қилади.


VI. Услубий кенгаш ҳужжатлари


15. Кенгаш фаолиятига доир қуйидаги ҳужжатлар бўлиши лозим:

кенгаш аъзолари ҳақида маълумот;

иш режа;

ҳисоботлар;

йиғилиш баённомалари;

кенгаш томонидан тақдим этилган материаллар ва берилган тавсиялар.

16. Кенгаш баённомаси ҳар ўқув йили бошида янгидан рақамланади.



Похожие:

Халқ таълими вазирлиги буйруғи №343. 30 ноябрь 2012 й. Буйру қ iconБўйруғи билан тасдиқланган Қорақалпоғистон Республикаси Халқ таълими вазирлиги, Тошкент шахар ва вилоятлар халқ таълими бошқармаси
Республикаси Халқ таълими вазирлиги, Тошкент шахар ва вилоят халқ таълими бошқармалари ҳузурида Методика (Таълим) маркази фаолият...
Халқ таълими вазирлиги буйруғи №343. 30 ноябрь 2012 й. Буйру қ iconЎзбекистон республикаси халқ таълими вазирлиги
Халқ таълими вазирлиги бошқарма ва бўлим бошлиқлари, Қорақалпоғистон Республикаси Халқ таълими вазири, Тошкент шаҳар ва барча вилоят...
Халқ таълими вазирлиги буйруғи №343. 30 ноябрь 2012 й. Буйру қ iconЎзбекистон республикаси халқ таълими вазирлиги
Халқ таълими вазирлиги бошқарма ва бўлим бошлиқлари, Қорақалпоғистон Республикаси Халқ таълими вазири, Тошкент шаҳар ва барча вилоят...
Халқ таълими вазирлиги буйруғи №343. 30 ноябрь 2012 й. Буйру қ iconПресс-релиз тошкент шаҳри 2012 йил 16 август
Халқ таълими вазирлиги томонидан “Янги ўқув йилида таълимни сифат босқичига кўтаришнинг долзарб масалалари” мавзусида матбуот анжумани...
Халқ таълими вазирлиги буйруғи №343. 30 ноябрь 2012 й. Буйру қ iconХалқ таълими вазирлигининг буйруғи №139. 25 июнь 2011й буйру қ
Республикаси Вазирлар Маҳкамасииипг 2011 йил 20 нюндаги 183- ва 184-сонли Қарорлари ижросини таьминлаш тўғрисида
Халқ таълими вазирлиги буйруғи №343. 30 ноябрь 2012 й. Буйру қ iconO‘zbekiston respublikasi xalq ta’limi vazirligi
Республикаси Халқ таълими вазирлиги, Тошкент шаҳар халқ таълими Бош бошқармаси ва вилоятлар халқ таълими бошқармаларига
Халқ таълими вазирлиги буйруғи №343. 30 ноябрь 2012 й. Буйру қ iconТошкент шаҳар сергели тумани халқ таълими бўлими
Республикаси Вазирлар Махкамасининг 2011 йил 17 январдаги 13-сонли қарори, халқ таълими вазирлигининг 2011 йил 22 январдаги 8-сонли...
Халқ таълими вазирлиги буйруғи №343. 30 ноябрь 2012 й. Буйру қ iconХалқ таълими вазирлиги буйруғи №259. 3 сентябрь 2012 й
Низомни тасдиқлаш ҳақида”ги 130-сонли қарорларида белгиланган вазифаларнинг ижросини таъминлаш, 2012-2013 ўқув йилидан бошлаб “Баркамол...
Халқ таълими вазирлиги буйруғи №343. 30 ноябрь 2012 й. Буйру қ iconЎзбекистон Республикаси Маданият ва спорт ишлари вазирлиги, Ўзбекистон Республикаси Халқ таълими вазирлиги, Халқ таълими вазирлиги ҳузуридаги Болалар спортини ривожлантириш жамғармаси
Збекистон “Камолот” ёшлар ижтимоий ҳаракати Манказий Кенгаши, Ўзбекистон “Маҳалла” хайрия жамғармаси Республика бошқаруви
Халқ таълими вазирлиги буйруғи №343. 30 ноябрь 2012 й. Буйру қ iconСергели туман халқ таълими бўлимининг низоми
Республикасининг «Таълим тўғрисида»ги, «Кадрлар тайёрлаш миллий дастури тўғрисида»ги қонунларига, Ўзбекистон Республикаси Халқ таълими...
Разместите кнопку на своём сайте:
Документы


База данных защищена авторским правом ©uz.denemetr.com 2000-2015
При копировании материала укажите ссылку.
обратиться к администрации